Pimmusayen ti Irish boxer a ni Lee “El Champo” Reeves kalpasan ti sumagmamano a bolan a comatose sipud na- knockout iti maysa a boxing match idi Agosto 1 iti Dublin, Ireland.
Nakilaban ni Reeves ken ni Gary Cully para iti BUI Celtic Light-Welterweight title, ngem naabak iti maika-10 a round kalpasan ti namindua a daras a bimmagsak daytoy.
Dagus a naitaray iti ospital ken dimmalan iti operasyon sakbay a naikabil iti medically induced coma gapu ti nakaro a kondisyon na.
Indanun a dagus ti coach na a ni Jonathan O’Brien ken ti naudi a nakalaban na a ni Cully, ti panangdayaw da iti kinatured ni Reeves.
Malaksid iti boksing, nabigbig pay ni Reeves gapu iti panangiwanwan na ti mental health awareness ken ambassador ti Limerick Treaty Suicide Prevention group.












