Manamanama a maisayangkat ti “Amianan Unity Run”, maysa a run for a cause program ti Ilocos Norte Police Provincial Office (INPPO) inton Nobiembre 21, 2026.

Mainaig iti daytoy, inbatad ni PMaj. Antonio Marzan Jr., ti pannakangiwat ti Ilocos Norte Police Provincial Office (INPPO), a dagiti pondo a malikom iti aktibidad ket maipaay kadagiti indibidual nga addaan iti terminal illnesses ken kadagiti sumagmamano a personnel ti Ilocos Norte Police Provincial Office (INPPO).

Kabayatanna, daytoy nga aktibidad ket mangrugi iti coastal road a sakupen iti ili ti Currimao iti oras ti alas-4 ti malem agingga iti alas-10 ti rabii.

Addaan ti tallo a kategorya – 3K, 5K, ken 10K, a mabalin a pakipagpasetan dagiti runners ken registration fee a mangrugi iti P400 agingga P500.

Iti agdama ket umabot iti 1,700 runners ti nairekord da a makipaset kadaytoy a programa da.