LAOAG CITY – Umabot iti 11,434 nga estudiante iti siudad ti Batac ti naipaayan ti libre a backpack ken school supplies babaen ti programa ti lokal a gobierno iti siudad.
Dagiti benipisiario iti daytoy a programa ket dagiti estudiante iti Day Care aginggana iti Senior High School, manipud kadagiti pribado ken pambubliko a pagadalan iti nasao a siudad.
Mainaig iti daytoy, kalikagum ti lokal gobierno a mapunoan dagiti pagkasapulan iti pang-edukasion dagiti estudiante babaen iti panagibunongda kadagiti kangrunaaan a ramit a makatulong iti inaldaw a panagadalda.
Kabayatanna daytoy nga inisiatiba ket paset iti agtultuloy a serbisio ti lokal a gobierno iti siudad iti panangsuportana iti edukasion ken pannakaipalawa ti oportunidad a para kadagiti agad-adal.












