LAOAG CITY – Natay ti maysa a menor de edad kalpasan a nadisgrasia iti Barangay Margaay iti ili ti Vintar.

Ti menor de edad ket maysa a lalaki, agtawen 16, awanan asawa, ken residente iti nasao a barangay.

Basar iti Vintar Municipal Police Station, inusar ti biktima ti maysa a white and black Honda XRM 125 no sadinno nga apaman a dumaldalyasat daytoy nga agpaagabatan ken nadadon na ti kurbdo a paset ti kalsada, kellat a napukawan ti kontrol ti drayber ti motorsiklo.

Mainaig iti daytoy, apaman a nasarakan ti biktima ket addan daytoy iti uneg ti irrigation canal ken nakairareb ti rupana iti uneg ti danom.

Gapu iti daytoy, nagsagaba ti biktima ti nagduduma a sugat iti paset ti ulona a rason ti nakatayanna babaen ti naideklarar a Dead on Arrival iti nangeksame a ni Dr. Heidi Albano.

Naamoan a ti biktima ket nasarakan a nakaiggem ti bote ti arak iti akin kannigid nga ima na ket nakaiggem iti bote ti arak.