LAOAG CITY -Nagpalagip ti Department of Health iti publiko nga uminom ti natalged a danum ken lutoen a nalaing dagiti taraon kabayatan ti kondision ti El Niño.

Daytoy ket gapu iti ngimmato a kaso ti Cholera iti 69 a porsiento iti maysa a two-week monitoring period iti ahensia.

Basar iti epidemiological report idi Nobiembre 7, nakairekord ti ahensia ti 27 cases manipud Oktobre 11 agingga 24.

Ti Cholera ket maysa kadagiti climate-sensitive infectious diseases a mamon-monitor kabayatan dagiti concerns mainaig iti access iti natalged a danum.

Binalakadan pay dagiti makapaspasar ti agtultuloy a gurigor, panagkapsot, severe abdominal pain, repeated vomiting, abdominal swelling, bloody stool wenno marigatan a mangan wenno uminom nga insigida nga agturong iti kaasitgan a primary care facility para iti medikal nga atension.

Kabayatanna, ngimmato met ti kaso ti influenza-like illness iti 8% iti 15,925 manipud Oktobre 11 agingga 25.

Gapu iti daytoy, nagpalagip ti Department of Health ti publiko nga kaluban ti ngiwat ken agong no aguyek wenno agbaeng, agtalinaed ti pagtaengan no makapaspasar ti flu-like symptoms ken siguradoen ti proper indoor ventilation.