LAOAG CITY – Maipangato ti maipaay nga abuloy para kadagiti pumusay a senior citizens iti ili ti San Nicolas ita a tawen.
Daytoy ti inbatad ni Mrs. Norma Bitagon, ti Presidente ti Office For The Senior Citizen’s Affairs (OSCA) iti nasao nga ili.
Inlawlawag ni Bitagon a maipangato ti sangaribo a pisos ti maited nga abuloy iti pumusay a senior citizen no sadinno a manipud iti 20 ribo a pisos ket mapagbalin a 21 ribo a pisos.
Inpasingked na a saan a maitantantan ti pannakaipaay ti abuloy gapu ta maiyawat daytoy kabayatan a nakamansayag pay laeng ti pumusay a senior citizen iti baet nga adda dagiti marigatan nga agbayad.
