LAOAG CITY – Addan ti sumagmamano ken posible nga anggulo a sursuruten dagiti pannakabagi ti linteg kalpasan ti pannakapalto-paltog ti balay ti dati a konsehal iti ili a Pasuquin.
Rumrumwar a maysa kadagiti anggulo ket pulitika.
Immunan a narekobre dagiti otoridad dagiti basyo ken slug ti kalibre 9mm a paltog iti balay ni dati a konsehal Melchor Acio iti nasao nga ili itay kallabes.
Inbatad ni Police Chief Insp. Joseh Dela Cruz, hepe ti PNP Pasuquin a tinarget dagiti saan a nabigbig a suspek ti kuarto ti dati nga opisyal.
Naamuan nga agpaidasig kas opisyal ti Sanguniang Kabataan ti maysa kadagiti annak ni Acio.
