Pinili ti agtawen ti 38 nga babai ti agnaed iti home for the elderly tapnu makaliklik iti stress gapu iti bannog iti trabaho na.
Basar iti impormasion, ti babai a ni Yang ket 11 a tawenen nga agtartrabaho kas screenwriter iti industria ti pelikula ken telebision.
Segun ken ni Yang ado nga oras ken demanding ti trabahona isu a kayatna a temporario a pabannayaten ti taray ti biagna.
Kinunana nga apektaran ti trabahona ti salun-atna, nangruna ta masansan a daytoy nga agpuypuyat.
Innayonna a no ituloyna ti nadakamat a lifestyle-na ket saan daytoyen a maka-recover ken kumaro ti sakitna.
Segun kenni Yang saanna a marikna ti panagmaymaysa wenno pannakauma iti nursing home.
Kabayatanna, saan a masigurado ni Yang no kaano nga agsubli iti trabaho ngem siguraduenna a dumteng ti aldaw a sanguenna ti karit ti biag.
