LAOAG CITY – Inlawlawag dagiti eksperto nga ado dagiti possible a makaigapu no mapukawan ti poot ti maysa a tao.
Karaman ditoy ti nakaro a bannog, kinabara ti panawen, panagbisin, stress, wenno adda dagiti medical conditions kas ti hypotension ken hypoglycemia.
Ibalbalakad dagiti eksperto a no adda ti indibidual a kellaat nga agulaw ken mapukawan ti poot ket insigida nga ipaidda ti patag ken ingato ti dua a sakana ti dua a pulgada tapno maipangato ti panagayus ti dara nga agturong iti utek.
Kasapulan pay a malukayan dagiti nailet nga arwaten ken siguradwen nga adda ti umdas nga angina iti aglawlaw.
Napateg pay a kitaen no agang-anges ti pasyente, gapu ta no saan ket kasapulan a mangipatungpal ti Cardiopulmonary Resuscitation (CPR) kabayatan a maiyur-uray dagiti emergency responders.
Nabalakadan met ti publiko a saan a dagus a pinumen to danom wenno pakanen ti tao a kaririing na laeng manipod iti pannakapukaw na ti poot gapu ta nasaysayaat no baybay-an paylaeng a makasublin na ti pigsana.
