Nakasaganan ti probinsia ti Agusan del Sur karaman ti Department of Education wenno DepEd-CARAGA para iti pormal a panagrugi ti Palarong Pambansa 2026 iti Datu Lipus Makapandong Sports Complex iti Brgy. Patin-ay, ili ti Prosperidad.
Pormal nga agtataripnong amin a delegado iti alas 1 ti malem a sarunuen ti air exhibition ti Philippine Air Force iti alas 3 ti malem, ken ti pannakairuar ti VTR para iti Palaro Tu AgSur 2026 opening billboard.
Iti alas 4:00 ti malem, mangrugin ti iseserrek dagiti delegado ken ti panagsaludoda, a sarunuen ti pannakatokar ti kanta ti pagilian ken kararag.
Kageddan daytoy ti martsa ti Caraga ken Agusan, kalpasan ket ti welcome message ni Governor Santiago Cane Jr. ken ti ceremonial turn over dagiti athlete’s kits ken pannakaiyawat dagiti banners nga idauluan da Gov Cane ken DepEd Usec Malcolm Garma agraman dagiti regional directors.
Kalpasan daytoy ket ti multi-media presentation ken pannakasilaw ti cauldron at ang oath of sportsmanship nga idauluan ni Olympic gold medalist Hidilyn Diaz.
Segun kenni Governor Cane, mangited met ti mensahe ni Presidente Ferdinand Marcos Jr.
Agleppas ti seremonia iti babaen ti grand opening show a pakairamanan dagiti cheerleader, hip hop dancers, drum queens, ken guest performers.
Naammuan a sumagmamano nga aldaw sakbay ti panglukat a seremonia, nangrugin ti sumagmamano nga isports kas iti volleyball, basketball, ken nagduduma pay.
