LAOAG CITY – Inrakurak ti Department of Social Welfare and Development (DSWD) a silulukaten para iti amin nga indibidwal ti programa nga Assistance to Individual in Crisis Situations (AICS).
Segun ken ni DSWD Crisis Intervention Program Director Edwin Morata, awan ti pilpilyen nga estado ti “shocks” wenno saan a ninamnama a pasamak iti baet dagiti didigra wenno energy emergencies gapu ta nakurapay man wenno nabaknang, low-income earner wenno middle class, addaan ti trabahowenn awan ket apektado.
Mainaig iti daytoy, agtultuloy ti panangpasayaat ti DSWD kadagiti pagannurutan ti programa tapno masolbar dagiti pagkasapulan ti nagduduma a kliyente.
Innayon ti DSWD official, a napaalisto ti proseso ti aplikasyon para iti AICS, no sadinno a kasapulan laengen dagiti kliyente wenno benepisyaryo a dumalan iti tallo a proseso kas ti panagpila, assessment ken ti interview, ken ti pannakaiparuk-at ti assistance.
