LAOAG CITY – Naglikudan ti Star Magic artist a ni Amanda Zamora ti ispekulasyon maipanggep kadakuada ti aktor a ni Daniel Padilla.
Daytoy ket kalpasan ti sumagmamano nga aldaw a mapagsasaritaan ni Amanda iti online gapu ta maitudtudo a maipagarop a baro a nobya ni Daniel.
Nangrugi daytoy kalpasan a napagsaritaan iti maysa a vlog ti agdama nga estado ti puso ni Daniel, sumagmamano a bolan kalpasan ti kontrobersyal a panagsina da ken ni Kathryn Bernardo.
Ditoy a nadakamat ti nagan nga “Amanda” a maibagbaga a baro a nobya ti Kapamilya actor.
Gapu iti daytoy, sumagmamano a netizens ti nagatap a ti “Amanda” a nadakamat iti vlog ket ti anak ni San Juan City Mayor Francis Zamora a ni Amanda Zamora.
Ad-adda pay a timmibker ti pammati dagiti netizens kalpasan nga adda dagiti nagwaras a ladawan da Daniel ken Amanda nga agkadwa iti maysa a mall.
Nupay kasta, inpetteng ni Amanda nga awan ti relasyon da ken ni Daniel ken mabalin a ti nagwaras a ladawan da ket naedit laeng.
