LAOAG CITY – Inakusaran ni Atty. Harry Roque dagiti agpanpanday linteg a personal iti ar-aramidenda a panangimbestigar kenkuana.
Inbatad ti dati a Presidential Spokesperson nga addaan ti dadduma pay nga agenda dagiti dadduma nga agpanpanday linteg nangruna ket konektado idi iti dati nga administrasion.
Mamati a pagat-atapan isuna dagiti agpanpanday linteg nga agiwarwaras iti pammerperdi a bidyu kontra ken ni Presidente Ferdinand Marcos Jr.
Kabayatanna, inpasingkedna a nakasagana daytoy a sangoen ti aniaman a kaso a mabalin nga ipilada kontra kenkuana.
