LAOAG CITY – Nagtalinaed a natibker dagiti pagadalan iti siudad ti Laoag bayat ti epekto ti Bagyo Kiyapo.
Basar ti Schools Division Superintendent ti School Division Office iti siudad ti Laoag a ni Dr. Joan Corpuz, awan pay nairekord a dakkel a pannakadadael kadagiti pagadalan ken minor damages laeng ti napasaran dagiti imprastraktura kas iti panagtedted kadagiti bobeda ken galba.
Mainaig iti daytoy, nupay adda dagiti panawen a sumrek iti danum gapu dagiti rikki ket kunana a mausar latta dagitoy.
Inpakaammona a nangipatulodda ti report iti Central Office dagiti minor damages partikular iti Gabaldon Elementary School tapno masolbar dagitoy. Kabayatanna, nagyaman pay daytoy iti napintas ken natibker a pannakaipatakder ti imprastraktura ditoy siudad.
