LAOAG CITY – Nagballigi dagiti kameng ti Philippine National Police (PNP) a nangarestar ti maysa a wanted person iti ili ti Piddig.
Nabigbig ti suspek a ni Melendrina Batazan, agtawen ti 50, ken residente iti Barangay Loing iti nasao nga ili.
Natiliw ni Batazan babaen ti bileg ti maysa a warrant of arrest nga inparukat ni Hon. Judge Richard Balucio iti RTC Branch 12 ditoy ciudad ti Laoag gapu iti kaso na nga estafa.
Nasentensyaan ni Batazan a mabalud ti 2 a tawen ken uppat a bolan.
Nagtalinaed ni Batazan iti kustodyar ti PNP iti ili ti Piddig.
