LAOAG CITY – Nagballigi dagiti otoridad a nangtiliw ti wanted person a babai babaen ti nagtipon a pwersa ti PNP-Laoag ken PNP-Piddig iti Barangay 16 ditoy ciudad ti Laoag.
Nabigbig ti suspek a ni Cecilia Anselmo, agtawen ti 57, awanan ti asawa, residente iti Barangay 6, Tonoton iti ili ti Piddig.
Natiliw ni Anselmo babaen ti bileg ti warrant of arrest nga inparuk-at ni Hon. Judge Nida Alejandro iti RTC Branch 12 ditoy ciudad ti Laoag gapu iti kaso na a 2 counts ti estafa.
Nairekomendar ti 32 a ribo a pisos a piyansa ti suspek para iti temporaryo a pannakawaya-waya na.
Iti agdama, nagtalinaed ti suspek iti kustodyar ti PNP iti ili ti Piddig.
