Nagka-amnesia ni Mitchell Brotherson manipud Utah, United States of America gapu iti aksidente kabayatan ti panag-ski na.
Daytoy ket kalpasan a nagsina da ti dati a nobiona a ni Jenna.
Gapu iti daytoy, nalipatan ni Mitchell a nagsinna dan ken Jenna ket nagtultuloy ti relasion da a dua.
Mainaig iti daytoy, pito a bulan kalpasan ti aksidente ket nagkasarda dagitoy idinto a nagbayag ti uppat a tawen ti relasion da.
Inpakaammo ni Jenna ti estoriada iti maysa nga online platform, no sadinno kinunana a mapapati a naited kenkuana daytoy kas maikadua a gundaway kalpasan ti saan a ninamnama a pasamak.
