LAOAG CITY – Nakasaganan ti ili a Badoc para iti “pontifical coronation” ni La Virgen Milagrosa de Badoc inton Mayo 31 ita a tawen.
Segun ken ni Mr. Cesar Jade Raquel, municipal tourism officer ti nasao nga ili, maisayangkat ti “pontifical coronation” iti St. John the Baptist Parish church.
Kuna na nga idauloan ni Luis Antonio Cardinal Tagle, arsobispo ti Manila ti pannakakorona ni La Virgen Milagrosa de Badoc.
Imbatadna a mangrugi ti misa iti oras ti alas nuebe ti bigat ken atendaran daytoy dagiti naruay nga Obispo ken papadi.
Kunana pay nga iti agdama ket nakasagana ti ili da babaen ti naiget a pannakikammayet ti simbaan iti Local Government Unit ken iti gobierno probinsial iti panangidaulo ni Gob. Imee Marcos.
Dakkel ti pammati ti municipal tourism officer a dakkel ti maitulong ti maisayangkat a “pontifical coronation” iti naiget a pannakaitandudu ti “faith tourism” ditoy probinsia a kas iti kalikagum ti gobernador.
Kabayatanna, inbunannag ni Raquel a maisayangkat iti malem na ti “thanksgiving mass” gapu kadagiti nagkaadu a parabur a nasagrap ti probinsia iti tulong ti “patron saint” a ni La Virgen Milagrosa nga idauloan ni Reverend Renato Mayugba, Obispo ti Diocese of Laoag.
