LAOAG CITY – Nagpannawagan ni Senador Bam Aquino para iti insigida a pannakaipatungpal ti napateg a reporma tapno mapalag-an dagiti pinansial a problema kadagiti pamilia a Pilipino ken kadagiti mangmangged ken middle class iti baet ti baro a panagkaro ti tension iti Estados Unidos ken Iran ken iti epektona iti intero nga ekonomiya.
Ti panawagan ket kageddan ti anunsio ti dakkel a panagngato iti presio ti produkto a petrolio inton sumaruno a lawas kasta payen dagiti kangrunaan a magatang, plete, ken nagduduma pay a napateg a serbisio.
Inpetteng manen ti senador ti insigida a pannakaipasa ti sumagmamano a gakat nga inpilana tapno makissayan ti epekto ti agtultuloy a panagngato ti presio ken maipaay ti insigida a pannakapalag-an kadagiti aggatang, mangmangged, senior citizens, mangisursuro, barangay workers, ken middle class.
