LAOAG CITY – Nabirukan ti maysa a bangkay ti lalaki iti uneg ti banyo ti pagtaengan na idiay Brgy. Rioeng ditoy ciudad ti Laoag.
Nabigbig daytoy a ni Eligio Gomez Jr., agtawen ti 53, naasawaan ken residente iti nasao a baranggay.
Segun ti PNP-Laoag, idi napan nangipan dagiti kabagyan ni Gomez ti kanen na iti balay da ket ditoy a nakita da ti bangkay na a silalamo-lamo iti uneg tu banyo.
Basar met iti panangtaming iti bangkay, naatake ti biktima a rason ti pannakatay na ken mapapati nga addan ti lima agingga nga innem nga oras a natay sakbay a nakita.
Inbatad pay ti PNP, maymaysan nga agnanaed ni Gomez.
