LAOAG CITY – Nadaklisan dagiti mangalap ti bangkay ti lalaki iti Brgy. Lapaz ditoy siudad ti Laoag.
Nabigbig ti bangkay a ni Jun-jun Asuncion, agtawen ti 32 residente iti nasao a barangay.
Iti nakalap nga impormasyon ti Bombo Radyo Laoag, nagdidigos ti grupo ti biktima iti baybay idi kalman idi ta saan a mabirokan dagiti papagayam na.
Inpagarup dagiti kakadua ti biktima nga immunan a nagawid iti balay da wenno nagballog.
Nupay kasta, nadaklisan lattan dagiti mangalap ti Metro Lapaz ti nalamiis a bangkay ni Asuncion.
Kabayatanna, inlawlawag ni Police Supt. Dominic Guerero, hepe ti PNP Laoag ti napasamak nga insidente.
Iti inisyal a panagimbestigar dagiti otoridad, nakainom ti biktima ken timmapuak iti bangka da ken naglangoy idi ta saanen a timmaod.
Innayon ni Guerero nga awan ti nakita na a sugat ti biktima ngem naan-anay no doktor ti mangtingiting kadagiti posible a pinasar ti biktima.
