LAOAG CITY – Nabirukan ti bangkay ti maysa nga ubing a lalaki nga agtawen ti 3 iti septic tank iti ubong ti baboy iti Sitio Nalasin, Barangay San Marcelino iti ili ti Dingras.
Segun iti ina ti biktima a ni Mrs. Rufina Morte, pinanawanna iti pagtaenganda ti anakna pakairamanan ti kabsat ken kasinsin daytoy tapno mapan agtrabaho.
Inbatadna nga apaman a sarakenda daytoy ket saandan a makita ken agbalawda a mapukpukawen ti ubing.
Kunana a sinapsapolda ti anakna manipod pay idi kalman, pasado alas dos agingga iti rabii ngem saanda a nabirukan daytoy.
Gapu iti daytoy, nagdesision ti pamilya ti biktima nga agturongda iti kuerpo iti pulisya tapno ipa-blotter ti napasamak.
Innayonna nga itay bigat ket adda ti nagtawag kadakuada nga adda ti nasarakan a nalamiisen a bangkay ti anakna iti septic tank iti ubong ti baboy iti Brgy. San Marcelino iti ili ti Dingras.
