LAOAG CITY – Nagbalin a kontrobersyal ken viral ti baro a dish ti Yu Tang restaurant idiay Hanoi, Vietnam gapu ta daytoy ket kumbinasyon ti milk tea, tapioca pearls, thick noodles, ken ti signature corned beef ti nasao a panganan.
Inawagan ti nasao a restaurant ti baro a dish a bubble tea beef noodles.
Naamoan a dagiti naidumduma a kumbinasyon ken agresibo a marketing campaign ti restaurant ket naaddaan ti positibo a resulta no ti pagibasaran ket no kasanu na naala ti atensyon ti publiko.
Naruay dagiti food content creators ti napanen a nangpadas a nangraman iti bubble tea beef noodles ngem marigatan da a mangdiskribir ti nasao a dish.
Adda dagiti nangibaga nga arigna raman laeng ti milk tea idinto a komento met ti dadduma a saan a maibagay ti texture ti tapioca iti dish
Ti kada serving ti bubble tea beef noodles ket agbalor ti 98,000 Vietnamese đồng wenno katukad ti 227 a pisos ken adda pay ti maited a 20 a porsiento a diskwento no agorder iti online.
