LAOAG CITY – Inrubuat ti Department of Social Welfare and Development (DSWD) dagiti sumagmamano a disaster response vehicles a mai-deploy kadagiti lugar a makapasar ti kalamidad iti masangoanan.
Karaman ditoy ti 16 a mobile kitchens a mai-deploy iti amin a rehion ken pakairamanan ti mobile water treatment facilities nga adda ti kabaelanna a mangiproseso ti layos tapno agbalin a potable water.
Naammoan a ti mobile kitchen ket nairanta tapno makaipaay ti ‘hot meals’ wenno napudot a taraon para kadagiti internally displaced persons (IDPs) ken pamilia iti panawen ti emerhensia.
Kabayatanna, ti mobile water treatment ken water tanker trucks ket nairanta tapno makaipadanon ti adu a danom kadagiti evacuation centers wenno kadagiti lugar a naapektaran ti water shortages.
