LAOAG CITY – Inbilin ni President Emmanuel Macron a mangbukel ni baro a Prime Minister Michel Barnier ti united government tapno agserbi iti France ken iti umili.
Inaramid daytoy ni President Macron kalpasan a dinutukan na ni Barnier kas baro a prime minister ti France.
Ni Barnier ket dati nga European Union Chief Brexit Negotiator ken miembro ti Republicans party a mangirep-representar ti traditional right.
Mabigbig pay ni Barnier iti international stage gapu iti nagbalin nga akemna iti panagikkat ti United Kingdom manipod iti European Union.
Immunan a nagserbi ni Barnier kas foreign, agriculture and environment ministers, namindua a nagserbi kas European commissioner ken nagbalin pay nga adviser ni President of the European Commission Ursula von der Leyen.
