LAOAG CITY – Inbatad ni Mrs. Marilou Pasalo, ti School Principal I iti Bingao National High School iti ili ti San Nicolas a nakasaganan ti Bingao Elementary School ken National High School ti nasao a lugar a mangakomodar kadagiti nagduduma a pagadalan nga agbalin a “billeting area” ti Region 1 Athletic Association ditoy probinsisa.
Segun kenkuana, nakasaganan dagiti pasilidadda mangpasangbay kadagiti atleta manipod iti siudad ti Alaminos ken Pangsinan.
Inpakaammona nga adda ti 29 a classrooms pakairamanan ti nagduduma pay a school facilities ken 15 a classroom iti Bingao Elementary School a pagnaedan nasurok 500 nga atleta pakairamanan dagiti coaches ken technical officials iti nasao a delegasion.
Inrakurakna nga adda iti inaramid a schedule ti klase para kadagiti agadadal tapnu saan a maapketaran dagoty bayat nga adda dagiti bisita.
Mainaig iti daytoy, nagmandaar dagiti mangisursuro nga agbalin a dua set dagiti klase ken mangidesignar dagitoy ti agbalina Set A ken Set B no sadinno ti Set A ket addaan ti half-day face to face classes idinto a sumublat ti Set B iti sumarsaruno nga aldaw.
Kabayatanna, nakikoorinar ti pagadalan kadagiti barangay officials iti maipanggep iti seguridad dagiti atleta nu sadinno adda ti naituding nga innem a barangay tanod ken 3 a barangay health workers iti kada aldaw.
