LAOAG CITY – Nagpalagip ni Bureau of Internal Revenue (BIR) Comm. Romeo Lumagui Jr. kadagiti kandidato a saanda a lipatan ti obligasionda iti buis kageddan ti panangrugin ti campaign period.
Inbatad ni Commissioner Lumagui, nasken nga mangiyisyu ti resibo dagiti kandidato para kadagiti amin a maawat a donasion, campaign materials ken dadduma pay a magastos.
Rumbeng nga ag-withhold ti tax kadagiti supplier iti campaign posters ken advertisement.
Ti saan a panangtungpal iti daytoy ket maibilang a panaglabsing iti tax code.
Kuna ni Lumagui, nakatutokda pay iti tax compliance kadagiti online influencer a mangiendorso kadagiti kandidato iti eleksion.
