LAOAG CITY – Inpariten ni Dr. Melvin Manuel, mangidadaulo ti Business Permit and Licensing Office (BPLO) ditoy ciudad ti Laoag dagiti truck a derekta nga aglaklako ti paputok iti babaen ti rangtay.
Segun kenni Manuel, maiparit daytoy gapo iti panagamak da nga adda ti madi a mapasamak iti lugar a paglakoan da ti paputok.
Inbatad na a saan da nga irokomendar nga aglako dagiti truck iti nasao a pwesto gapo iti friction ti truck no agandar.
Maipalagip nga iti napalabas a tawen ket adda dagiti truck a derekta nga aglaklako ti paputok iti babaen ti rangtay.
