LAOAG CITY – Narekobre ti maysa a caliber 30 carbine a paltog iti likod iti pagtengan ti maysa a residente iti Sitio Darangudong ti Bgry. Catagtaguen iti ili ti Banna.
Daytoy ti inpakaamo ni Police Captain Ermito Mamenta, hepe ti Philippine National Police iti nasao nga ili.
Segun kenkuana, agkalkali ti compost pit ti maysa nga indibidual iti likod ti balayda idi adda nakali na a paltog.
Gapu iti daytoy, dagos met a nagturong ti indibidual kadagiti barangay officials iti nadakamat a barangay tapnu ipakaammo ti narekobrena a kontrabando.
Nangisayangkat met dagiti otoridad ti naan-anay nga imbestigasion no sadinno a rumrummuar iti imestigasionda a nabayagen a naikali daytoy a paltog iti likod ti pagtangenda ken saan pay a masinunuo no sadinno ti naggappoan ti nasao a paltog.
Kabayatanna, adda iti kuerpo ti Philippine National Police iti ili ti Banna ti nadakamat a paltog ken manamnama a maipadalan daytoy iti crime laboratory.
