LAOAG CITY – Manamnama nga iwaragawag ni Canadian Prime Minister Justin Trudeau ti panagbaba na iti pwesto kadagiti sumarsaruno nga aldaw.
Daytoy ket gapu ta ikonkosiderar ni Trudeau ti agikkat kas leader ti governing Liberal Party, a kayat na a sawen ket panagngudo metten ti siyam, a tawen a panagserbi na kas prime minister ti Canada.
Maipalagip nga iti napalabas a bolan ket bimmaba iti pwesto ti finance minister ni Trudeau gapu ta saan a pabor iti pagannurutan a plano nga ipatungpal ti Canada mainaig iti pangta ni US President-elect Donald Trump nga ipangato ti taripa dagiti produkto nga aggapo iti nadakamat a pagilian.
Gapu iti daytoy, masapol a solusyunan ti sumaruno nga agtugaw a prime minister ti pangta ni incoming US President Donald Trump a mangipataw ti 25% tariff kadagiti Canadian goods no saanna nga aramiden ti pagrebbengan na it border da kontra iti panagado dagiti irregular migrants ken panagraira ti illegal drugs.
Immuna iti daytoy, in-inot a napukaw ti panagtalek dagiti umili ken ni Trudeau gapu iti maipagarop a saan a napintas a panangidaulo na.
