LAOAG CITY – Pimmusay ni caretaker ti poultry farm ni Vice Mayor Aldrin Garvida iti Barangay Bugayong, Nueva Era, Ilocos Norte kalpasan ti napasamak a landslide.
Daytoy ti kinumpirmaran ni Police Senior Inspector Suerte Obonjan, chief of police ti PNP-Nueva Era.
Bingibig ni Obonjan ti biktima a ni Emmanuel Ubibi y Bagarino, agtawen ti 57, naasawaan ken residente iti Barangay Balbuena iti ili ti Pinili.
Segun kenni Obonjan, na-trap ti biktima iti uneg ti farm kabayatan ti panagreggay ti daga ken posible a natupakan dagiti parted ti nasao a farm a rason ti pannakatay na.
Immuna iti daytoy, nakaawaat ti PNP-Nueva Era ti report mainaig ti landslide ken dagus da met a nangiyuswat ti search and retrieval operation kalpasan nga adda ti tao iti farm.
Karaman kadagiti nagresponde ket dagiti kameng ti PNP-Nueva, MDRRMC kasta met kenni Vice Mayor Garvida.
Naamoan a ni laeng Ubibi ti adda iti uneg ti farm kabayatan ti landslide.
Innayon ti hepe a saan met a nairaman dagiti manok iti poultry farm iti nasao nga insidente.
