LAOAG CITY – Nadepensaan ni Carlos Alcaraz ti Wimbledon title-na ita a tawen.
Daytoy ket kalpasan nga inabakna iti finals ni Novak Djokovic.
Nagun-od ni Alcaraza ti straight set a panangabak iti 6-2 6-2 7-6 (7-4).
Naammoan nga isuna ti kaunaan nga Spaniard a nagballigi a nadepensaan ti Wimbledon crown.
Ti agtawen iti 21 nga Spanish tennis star ket nangabaken ti uppat a grand slams no sadinno amin a nakisalipanna ket nagballigi daytoy.
Namindua a darasna metten nga inatiw ni Djokovic.
Dinayaw met ni Djokovic ni Alcaraz gapu iti naiget a laban nga inpakitana.
