LAOAG CITY – Saanen a kasapulan pay nga agbayad ti tax ni Paris Olympics gold medalist Carlos Yulo kadagiti naawatna a premio ken donasion.
Inlawlawag ni Bureau of Internal Revenue (BIR) Commissioner Romeo D. Lumagui Jr., exempted ni Yulo manipud iti tax kadagiti naawatna a premio ken gungguna maibasar iti linaon ti National Internal Revenue Code (NIRC).
Iti babaen ti tax code ti Pilipinas, saanen a mapatawan ti buis dagiti amin a premio ken gungguna dagiti Pilipino nga atleta a nangabak iti local ken international spots.
Kuna ti tax chief, ti balor dagiti sanikua wenno naawat iti babaen ti regalo ket saanen a kasapulan pay nga iraman iti pakabuklan a biruk nga immawat iti daytoy isu a saanen a masapol pay a mapatawan ti buis.
Inabisoan met ti tax chief ti Pinoy gymnast a karebbenganna a saan nga ideklara dagiti naawatna a regalo kas kadagiti lugan ken balay kas paset ti kadagupan a biruk.
Kunana a saan nga obligado nga agbayad ti buis iti biruk para kadagitoy.
