LAOAG CITY – Indauloan ni Mayor Micheal Marcos Keon ditoy siudad ti Laoag ti panagiwaras ti cash incentives ken sertipikasion para kadagiti 142 a benipisiario ti Milestone Award Program ti local a gobierno ditoy siudad.
Daytoy nadakamat a programa ket para kadagiti senior citizens nga agtawen ti 80 agingga 99.
Mainaig iti daytoy, naipaayan ti P2,000 kadagiti agtawen ti 80 agingga 84, P3,000 kadagiti agtawen iti 85 agingga 89, P5,000 kadagiti agtawen ti 90 agingga 94 ken P10,000 kadagiti agtawen ti 95 agingga 99.
Gapu iti daytoy, agtultuloy ti panangitantudo ti City Government kadagiti programa a pagsayaatan dagiti umili nangruna kadagiti senior citizens.
