LAOAG CITY – Immabot ti cash remittances ditoy Pilipinas iti $35.63 billion idi 2025, maibasar iti record ti Bangko Sentral ng Pilipinas (BSP).
Segun iti Bangko Sentral ng Pilipinas, idi laeng Disyembre 2025 ket nairekord ti remittances nga umabot iti $3.52 billion.
Nangatngato ti cash remittances iti napalabas a tawen iti 3.3 percent no ikompara iti $34.49 billion idi 2024.
Inpakaammo ti Bangko Sentral ng Pilipinas nga umun-una latta ti Estados Unidos a naggapwan ti remittances idi 2025, sumaruno ti Singapore ken Saudi Arabia.
