LAOAG CITY – Naan-anayen nga inikkat ti kamara de representantes ni Cavite 4th District Representative Kiko Barzaga.
Inbatad ni Ethics committee chairman JC Abalos, a saan a nagbalin a napintas ti ugali nga inpakita ni Barzaga kadagiti pada na nga agpanpanday linteg.
Sumagmamano kadagiti linabsing ni Barzaga ket ti Repeated interruption of plenary sessions; mockery of leadership a pakairamanan idi ni dati nga House Speaker Martin Romualdez ken Unauthorized and slanderous live broadcast idi naisayangkat ti budget plenary sessions.
Kuna pay ni Abalos a nakita da a naglabsing ni Barzaga iti rumbeng nga agbalin nga ugali kas maysa a miyembro ti kamara de representantes.
Sakbay ti panagbotos ket ninamnaman ni Barzaga ti naan-anay a pannakaikkat na kas agpanpanday linteg.
Adda ti nasurok a two-thirds wenn 265 dagiti agpanpanday linteg a pimmabor iti House ethics committee findings iti Committee Report.
Maipalagip a namindua a daras a nasuspenso ti 60 nga aldaw ti agtawen ti 27 a ni Barzaga gapu iti social media post na a nangakusar ti nagduduma a krimen kontra iti pada na nga agpanpanday linteg ken sumagmamano a nangangato nga opisyal ti gobierno.
