LAOAG CITY – Nagpanawagan ni Catholic Bishops’ Conference of the Philippines wenno CBCP iti Kongreso para iti pannagipilada ti linteg a mangipawil iti political dynasties, bayat ti panangsuportarna iti “Dapat isa lang” people’s initiative.
Iti pastoral statement-na, pinirmaan ni CBCP president Archbishop Gilbert Garcera ti inisiatibo, inbatad dagiti obispo a saan koma nga agbalin nga arigna tawid ti pamilya ti panagturay iti gobierno.
Segun iti CBCP, agarup 40 a tawenen manipud idi napapigsa ti 1987 Constitution a mangibilbilin iti estado a siguradoen ti patas nga akses iti public service ken ti pannakaipawil ti political dynasties.
Mainaig iti daytoy, ginutigot ti CBCP dagiti diocese, Parokya, Catholic Schools, religious communities ken Lay organizations a tumulong iti panangilawlawag iti publiko mainaig iti people’s initiative.
Kabayatanna, basar iti Korte Suprema, addaan ti mandatory constitutional duty ti Kongreso a mangipila ti anti-political dynasty law.
Nupay kasta, inlawlawag ti korte a ti Kongreso ti addaan ti kabaelanna nga agdesission no ania ti political dynasty ken no kasano a kalawa ti sakupenna daytoy no maipan iti linteg.
