LAOAG CITY – Inaprubaranen ti Israel security cabinet ti ceasefire deal tapno naan-anay nga agngudo ti giyera da ti Hezbollah group idiay Lebanon.
Daytoy ti inrakurak ni Israeli Prime Minister Benjamin Netanyahu.
Kuna na nga amin a miyembro ti security cabinet ti Israel ket pimmabor iti nasao a ceasefire deal.
Inbatad met ni US Secretary of State Antony Blinken a ti ceasefire agreement iti nagbaetan ti Israel ken Hezbollah iti Lebanon ket addan iti maudi a pasetna.
Innayon na nga ipabus-oy da lattan iti Israel ti panangikalintegan da iti bukod da a pagilin no bilang adda ti pangta.
