LAOAG CITY – Addan iti kustudiar ti National Bureau of Investigation ti negosiante a ni Cedric Lee gapu iti kaso a serious illegal detention.
Inbatad ni National Bureau of Investigation Director Atty. Medardo Dilemos a sinukonda ni Lee iti siudad ti Mandaluyong kalpasan a nangipatulod ti mensahe a daytoy ket boluntario a sumuko.
Idi kalman, pinaneknekan ti Taguig Regional Trial Court a da Lee, Deniece Cornejo, Ferdinand Guerrero ken Simeon Raz ket guilty gapu iti panangdangran iti TV host ken Actor Vhong Navarro.
Sinentensiaan ti Korte dagiti akusado ti reclusion perpetua wenno agingga iti 40 a tawen a pannakaibalod.
Kinanselar pay ti Korte ti panagpiyansa dagiti suspek.
