LAOAG CITY – Inbatad ti Armed Forces of the Philippines (AFP) nga inipus ti China navy ti joint sea at air activities ti Pilipinas karaman ti Australia, Japan, ken New Zealand iti West Philippine Sea.
Inorganisar ti China’s People Liberation Army Southern Theater Command dagiti naval ken air forces para iti routine reconnaissance, early warning, ken sea-air patrol exercises asideg ti Bajo de Masinloc (Panatag, Scarborough Shoal) kagiddan ti Multilateral Maritime Cooperative Activity (MMCA) no sadinno a nangiyuswat ti drills ti naval ken air force units ti Pilipinas, Australia, Japan ken New Zealand iti northern Luzon a paset ti West Philippine Sea.
Segun ken ni Armed Forces of the Philippines spokesperson Col. Francel Margareth Padilla, namonitor ti militar ti Pilipinas dagiti barko ti China iti lawlaw bayat ti pannakaiyuswat ti exercise ngem nagtultuloy latta ti multilateral exercise.
Inpatulod ti Armed Forces of the Philippines ti BRP Antonio Luna (FF151), BRP Emilio Jacinto (PS35), maysa nga AW109 helicopter, ken dagiti asset ti Philippine Air Force Search and Rescue (SAR) iti multilateral exercise karaman ti USS Howard (DDG83) ti US Navy, HMAS Sydney (D48) ti Australia, JS Sazanami (DD113) ti Japan, ken HMNZS Aotearoa (A-11) ti New Zealand.
Karaman kadagiti aktibidad ti pre-sail briefing, communication exercises (COMMEX), cross-deck exercises, division tactics/officer of the watch (Divtacs/OOW) drills, photographic exercises (PHOTOEX), replenishment ken sea (RAS) approaches, maritime domain awareness (MDA) exercises, ken contact reporting no sadinno nga amin dagitoy ket nadisenyo tapno paigetan pay ti operational readiness ken collaborative capabilities.
