LAOAG CITY – Binalakadan ni Dr. Joseph Adaya iti City Health Office ditoy siudad ti Laoag dagiti nagannak iti panangtarabay da a naimbag kadagiti annak da.
Daytoy ket kalpasan a maalarma da iti kaadda dagiti agpakpakamatay.
Segun kenni Adaya, dua a tattao dagiti nagbekkel ita a bulan ti Disyembre.
Gapu iti daytoy, kuna ti Doktor a nasken nga obserbaren dagiti nagannak dagiti annak da ket no maamuan da nga adda problema dagitoy ket masapul nga amwen da tapno matrulungan da.
Mainaig iti daytoy, inbatad ni Adaya nga uray dagiti tattao nga adda iti aglawlaw dagiti annak a sabali ti garaw na ket masapul maikkan ti atensyon gapu ta mabalin a makaapektar iti ugali ti anak.
Innayon na a nasken a maipaayan dagiti maseknan iti umiso a counseling tapno malapdan ti panagpanunot da iti negatibo nangnangrunan iti panagpakamatay.
