LAOAG CITY – Binigbig ti Commission on Audit (COA) ti local a gobierno ti siudad ti Laoag kas ‘Unqualified Opinion’.
Inbatad ni Mayor James Bryan Alcid a daytoy a pammigbig ket resulta iti naurnos, nadalus ken nalawag a financial statements iti siudad.
Segun kenkuana, kayatna a sawen ti ‘Unqualified Opinion’ a nagun-od ti ciudad ti Laoag ket ti umno a pannakaimanihir ti kuarta ti siudad.
Mainaig iti daytoy, inpasigurado na nga agtultuloy ti nasayaat ken umiso a pannakausar ti pondo ti ciudad para iti pagsayaatan dagiti umili.
Innayon na nga agtultuloy ti panangsaluad na ti pondo ti siudad para iti ad-adda pay a panagprogreso dagiti Laoagueños.
Maipalagip a daytoyen ti maikalima a gundaway a nagun-od ti ciudad ti Laoag ti nasao a pammigbig.
