LAOAG CITY – Makaal-ala ti atension dagiti protein products idiay pagilian ti Japan kalpasan a dagiti sumagmamano a food companies iti nasao a pagilian ket nakapokusdan iti protein-rich options para kadagiti health-concious consumers.
Idi laeng bulan ti Hunio ita a tawen, maysa a kumpanya idiay Japan ti nagimbento ti ready-to-eat pouch curry nga addaan ti 30 a gramo ti protina a kagudua ti masapol a protina ti bagi iti tunggal aldaw.
Addaan daytoy ti ingridients a chicken breast ken protein powder, ti nasao a curry ket naimbento tapno gutigoten dagiti indibidual a mangan ti curry saan laeng a gapu ta namas daytoy, no diketdi gapu ta addaan daytoy ti naan-anay a sustansia a masapol ti bagi.
Malaksid kadaytoy, adda pay sugar- and fat-free-coffee a timmaud iti merkado idiay Japan.
Ti panagngato ti demand iti importansia ti protina ket ditoy a sumabsabay dagiti food companies a nakapokusdan iti panangisigurado ti kinatalged ti salun-at dagiti consumers.
