LAOAG CITY – Inbasura ti Court of Appeals (CA) ti Temporary Protection Order (TPO) nga impaulog ti Davao City Regional Trial Court Branch 15 para iti kampo ni Pastor Apollo Quiboloy.
Daytoy ket mainaig iti panagserbi ti Philippine National Police (PNP) iti arrest warrant nga impaulog ti Pasig Regional Trial Court kontra iti aglemlemmeng a pastor.
Inkeddeng ti korte a ti Amparo case, ket kasilpo dagiti kaso a naipila kontra ken ni Apollo Quiboloy, ken karaman iti Mayo 27, 2024, a resolusion ti Korte Suprema, a mangiturturay kadagiti kaso a pakairamanan ti pannakaipatungpal dagiti warrant of arrest kontra ken ni Apollo Quiboloy ken uppat pay a kakadwana.
Segun iti Appellate Court, awan koma ti panagsusupiat ti dua a bilin ti korte.
Iti agdama, agtultuloy ti panagbirok dagiti kameng ti Philippine National Police iti lider ti Kingdom of Jesus Christ compound idiay Buhangin, Davao City.
