LAOAG CITY – Ipawilen ti National Tobacco Administration (NTA) dagiti ‘Cowboy’ wenno dagiti middleman no sadinno a patienda a dagitoy ti mangdikdiktar ti presio ti tabako.
Inpakaammo ni Hon. Joeffrey Saguid Chairman ti Committe on Agriculture ken Ilocos Norte Board Member a daytoy ti napagsaritaanda iti panagtataripnongda nga inatendaran dagiti nagduduma a probinsia.
Malaksid iti presio ket maipagarup a saanda nga ideklarar ti umiso a kaado dagiti magatangda.
Kunana a masapol a no kastoy met laeng ket nasaysayaat no adda ti Memorandum of Understanding (MOA) iti National Tobacco Administration (NTA) tapno adda ti kanayonan a maipaay a tulong manipud Local Government Unit (LGU) tapno nalaka ti panaglakoda gapu ta isuda ti mangisapol ti mayat a pakailakwan dagiti nasao a mula.
Mainaig iti daytoy, kuna pay ni Saguid a masapul a sustenaren ti National Tobacco Administration (NTA) daytoy a desisionda tapno saan met unay a marigatan dagiti agmulmula ti tabako gapu ta posible a marigatan da met.
Maipalagip, nga immununan nga inreport ni Hon. Saguid nga agproblema dagiti agmulmula ti tabako gapu ti nababa a presyo gapu ti sobra a produksion.
