LAOAG CITY – Naitaray iti ospital ken naipadalan iti isolation ti maysa a crew member ti MV Hondius kalpasan a nagpositibo iti Andes strain ti hantavirus kabayatan a naka-quarantine idiay Netherlands.
Basar iti Dutch National Institute for Public Health and the Environment (RIVM), naitaray iti ospital ti pasiente kas panagan-annad tapno maliklikan ti posible a panagwaras ti virus.
Ti Andes strain ket maysa a klase ti hantavirus a mabalin a maiyakar manipud iti tao iti sabali a tao iti babaen ti close contact, saan a kas ti kaadoan iti hantavirus a masansan a maal-ala manipud kadagiti bao wenno kadagiti rugit wenno isbo dagitoy.
Daytoy ket mainaig iti immunan nga outbreak a naipadamag iti cruise ship no sadinno nga adda ti sumagmamano a pasahero ken crew members a naakaran ken pimmusay.
