LAOAG CITY – Nagpositibo ti hantavirus ti American ken French national kalpasan a bimmaba da manipod iti nagluganan da a barko a naapektaran ti makapatay nga outbreak ti hantavirus.
Iti agdama ket addan ti pakabuklan a pito a kaso ti hantavirus a naikonektar iti MV Hondius iti kumpirmado idinto nga adda pay ti dua a manarimaan a maiberberipikar a kaso.
Mainaig iti daytoy, inrakurak ti US Health Department a ti maikadwa nga amerikao a nairepatriate ket nakitaan ti mild symptoms ti nasao a sakit.
Maipalagip nga adda ti tallo a pasahero ti barko a pimmusay no sadinno a dua kadagitoy ket nagpositibo iti hantavirus.
