LAOAG CITY – Naragsak nga inpakaammo ni Mr Xavier Ruiz, ti officer in charge iti provincial tourism office nga ada iti baro a grupo dagiti turista a naglugan iti cruise ship a nagturong ditoy probinsiya.
Segun kenni Ruiz, ti nasao a cruise ship ket Norweigan Jewel a naglaon iti 2,000 nga indibidwal ken simmanglad iti currimao port no sadinno a daytoyen iti maikadwa a gundaway nga adda ti immay simmanglad a cruiship iti probinsya.
Kunana a naragsak dagiti bisita apaman a nakadanon da ditoy probinsiya gapo ta kalikagum da a bisitaen iti nagduduma a tourist destination a pakairamanan iti ili ti Badoc, Paoay , ciudad ti Batac ken Laoag.
Inpetteng ni Ruiz a malaksid kadagiti tourist spots ket inarak pay dagiti bisita dagiti ilokano products kas iti empanada, tupig ken inabel.
Maipalagip nga immunan a simanglad iti port of currimao ti Heritage Adventurer cruise idi tawen 2023.
