LAOAG CITY – Inkari ti Department of Agriculture a mangipasdek daytoy ti kaunaan nga onion research and extension center iti pagilian tapno padur-asen ti produksion ti sibuyas.
Maipatakder ti nasao a proyekto idiay Bongabon, Nueva Ecija ti kangrunaan nga onion producer iti pagilian.
Inkari pay ni Department of Agriculture Secretary Francisco Tiu Laurel kadagiti mannalon iti Bongabon ti baro nga impormasion mainaig iti baro a teknolohia iti panagtalon.
Rugianen ti ahensia ti panangbiruk kadagiti napipintas a klase ti onion seeds tapno dumur-as ti apit dagiti mannalon.
Naammoan a ti Nueva Ecija ket am-ammo kas kangrunaan a producer ti bagas ti pagilian ken leading producer ti sibuyas.
Basar iti datos ti Philippine Statistics Authority iti napalabas a tawen, mapattapatta a dumanon iti 12,726.11 hectares ti kataltalonan iti Central Luzon ti mamulmulaan ti sibuyas idinto a 59.80 percent ket national output ti pagilian.
