LAOAG CITY – Patien ni Senate President Sherwin Gatchalian a ni laeng dati a Public Works Secretary Manuel Bonoan ti makaammo iti mapapati a P24 billion a “leadership fund” ti Senado idi 2025 gapu ta adda kapadasanna iti kickbacks kadagiti infrastructure projects.
Kinunana a nabayagen daytoy nga adda iti Senado ken chairman pay ti Senate committee on finance ngem ita laeng a nadamagna nga adda ti leadership fund ti Senado.
Kinunana a nangngegna laeng ti term leadership fund idi manipud ken ni Senador Panfilo Lacson ngem saan a para iti Senado.
Iti testimonia ni Bonoan iti Sandiganbayan, inbutaktakna nga agarup P24 billion ti Senate leadership fund idi tawen 2025, a tunggal senador ket addaan iti minimum a P500 million allocables.
Kabayatanna, naiget mer a naglikudan ni Senate Majority Leader Juan Miguel Zubiri nga adda ti leadership fund kabayatan ti terminona kas Senate president manipud Hulio 2022 agingga iti Mayo 2024 no sadinno nga isu ket sinukatan ni Senador Francis “Chiz” Escudero idi 2024.
